Pasi dha lajmin se është bërë baba për herë të shtatë në moshën 79- vjeçare, Robert De Niro i tregoi për herë të parë botës vogëlushën e tij të sapolindur në ‘CBS Mornings’.
Aktori e ka pagëzuar vajzën me emrin Gia Virginia Chen De Niro, të cilën e ka me partneren e tij Tiffany Chen.
Një burim tregoi se çifti është “mbi re” për anëtaren më të re të familjes së tyre.
Kujtojmë se ylli i Hollywood e zbuloi lajmin në një intervistë për ET Canada, teksa fliste për prindërimin.
“Nuk ka rrugëdalje me fëmijët. Nuk më pëlqen të vendos ligjin dhe gjëra të tilla. Por, ndonjëherë thjesht nuk ke zgjidhje,” shpjegoi ai.
Më pas shtoi: “Dhe çdo prind, mendoj se do të thoshte të njëjtën gjë. Ju gjithmonë dëshironi të bëni gjënë e duhur me fëmijët, edhe t’i plotësoni të gjitha kushtet. Por ndonjëherë ju nuk mundeni.”
Kur intervistuesi e pyeti De Niron për gjashtë fëmijët e tij, ai korrigjoi: “Shtatë, në fakt.”
“Sapo ka lindur”, shtoi ai, megjithëse asokohe ai nuk dha detaje të mëtejshme për anëtarin e ri të familjes apo partneren e tij.
De Niro ka gjashtë fëmijë nga marrëdhëniet e mëparshme. De Niro dhe gruaja e tij e parë, Diahnne Abbott , janë prindër të vajzës Drena, 51 vjeç, dhe djalit Raphael, 46 vjeç. Në vitin 1995, ai mirëpriti djemtë binjakë Julian dhe Aaron, 27 vjeç, me ish të dashurën e tij, modelin dhe aktoren Toukie Smith. De Niro ndan gjithashtu djalin Elliot, 24 vjeç dhe vajzën Helen, 11 vjeç, me Grace Hightower.
