anë shpëtuar 5 të rinjtë që u bllokuan nga dëbora në Fushë të Zezë të Malësisë së Madhe.
Gazetarja e Klan News Emi Kalaja bën me dije se forcat e Ndëhyrjes së Shpejtë në Shkodër kanë mbërritur para pak minutash në vendin ku të rinjtë ishin strehuar.
Mësohet se ata janë mirë nga gjendja shëndetësore, me përjashtim të njërit prej tyre që ka shqetësime por pa rrezik. Ky i fundit është vënë në barrelë dhe po transportohet nga policia për në Razem, atje ku pret autoambulanca.
Besohet se në Razëm ata mund të mbërrijnë nga ora 22.30 minuta. 5 të rinjtë kishin shkuar në Fushë të Zezë per të rrëshqitur me ski, por temperatura e ulët, në kushtet kur dëbora atje është mbi 1 metër trashësi, e vuri në rrezik jetën e tyre pasi nuk mund ta përballonin kthimin.
Në këto kushte nisi në orët e pasdrekës operacioni i shpëtimit nga FNSH Shkodër, policia e Malësisë së Madhe, shërbimi shëndetësor dhe banorët e zonës, operacion i cili rezultoi i suksesshëm pasi shpetoi jetën e 5 të rinjve nga Bajza e Kastratit.
