Një 9-vjeçar është përpjekur të grabisë i “armatosur” një argjendari, por çdo gjë i ka shkuar kot.
Pamjet e djalit i cili futet në argjendari me një armë lodër tashmë po bëjnë xhiron e rrjetit.
Në videon e publikuar, 9-vjeçari shihet teksa hyn në dyqanin në Moreno, Argjentinë, i afrohet shitësit dhe aty këmbejnë disa fjalë.
Pas pak minutash, djali shihet duke nxjerrë në një pistoletë lodër.
Shitësi, Nicolás García, më pas ngrihet nga vendi i tij dhe e nxjerr jashtë.
García tregon:
“Kur ai hyri në dyqan, mendova se do të kërkonte para për të ngrënë, por ai filloi të më pyeste nëse kishte ar dhe argjend, derisa nxori një armë, nuk e di nëse ishte e vërtetë apo lodër dhe më tha t’i jepja gjithçka. Nuk pata frikë sepse e pashë fytyrën e djalit dhe kjo ishte pothuajse si një lojë për të. Së pari, kur u zemërova, ai buzëqeshi me frikë, por pastaj filloi të qante. U bë keq..”
