Një ngjarje e rëndë ka ndodhur në orët e para të mëngjesit në qytetin e Pogradecit, ku një grua 52-vjeçare ka humbur jetën si pasojë e një zjarri që ka përfshirë banesën e saj.
Sipas informacionit paraprak të Policisë, rreth orës 06:00, në lagjen nr. 1, ka rënë zjarr në banesën e shtetases K. T., rreth 52 vjeçe. Fatkeqësisht, e ndjera ka ndërruar jetë si pasojë e asfiksimit nga tymi.
Menjëherë pas marrjes së njoftimit, në vendngjarje kanë mbërritur shërbimet zjarrfikëse dhe grupi hetimor, të cilët bënë të mundur shuarjen e flakëve dhe po punojnë për të zbardhur rrethanat e plota të ngjarjes.
Policia ka nisur hetimet për të përcaktuar shkaqet që çuan në shpërthimin e zjarrit, ndërsa trupi i viktimës është dërguar për ekspertizë mjeko-ligjore.
Kozeta Teço është 52-vjeçarja që humbi jetën si pasojë e asfiksisë nga zjarri në banesën e saj në Pogradec.
Mësohet se gruaja jetonte e vetme dhe në kushte tepër të vështira ekonomike. Ajo nuk ka pasur fëmijë dhe nuk ishte as e martuar.
Burimet bëjnë të ditura se 52-vjeçarja financiarisht ndihmoje nga motra e saj, pasi ishte në kushte të vështira.
Ngjarja e rëndë ndodhi mëngjesin e kësaj të hënë në qytetin e Pogradecit, ku banesa e saj u përfshi nga flakët. Për pasojë gruaja humbi jetën pasi u askfiksua.
Zjarri në banesë në lagjen 1 të Pogradecit dyshohet se është i qëllimshëm.
Sipas burimeve nga grupi hetimor, ngjarja dyshohet të jetë kriminale. Nga kqyrja paraprake e trupit të viktimës, ekspertët mjeko ligjorë kanë konstatuar shenja të jashtme dhune.
Deri më tani, pista e hetimit është ajo e vrasjes për motive pronësie. 52 -vjeçarja Kozeta Teço u gjet e pajetë sot në mëngjes në banesën e saj, e cila ishte e djegur.
Mësohet se në vendngjarje janë sekuestruar kamerat e sigurisë në dy objekte në afërsi të pallatit. Gjithashtu, janë shoqëruar disa persona në komisariatin e policisë së Pogradecit për t’u marrë në pyetje.
Në foto është Kozeta Teço e cila dyshohet se u vra nga bashkëjetuesi i saj Ilirjan Selmani Hetimet në Pogradec vazhdojnë për rastin e rëndë të vdekjes së 52-vjeçares që u gjet pa shenja jete në banesën e saj. Burime nga policia bëjnë me dije se viktima dyshohet të ketë qenë viktimë e një vrasjeje nga Ilirjan Selmani, personi me të cilin kishte një lidhje intime.
Ngjarja ka tronditur komunitetin lokal, ndërsa policia po vijon hetimet intensive për zbardhjen e plotë të dinamikës dhe për përcaktimin e motivit të krimit.
