Inspektoriati Shtetëror Shëndetësor ka gjobitur dy pishina që janë gjetur me shkelje, ndërsa ka marrë vendimin për pezullimin e një aktiviteti. ISHSH njofton se janë realizuar 1714 inspektime për monitorimin e masave ndaj COVID-19 në 24 orët e fundit . “Inspektoriati Shtetëror Shëndetësor realizoi 1714 inspektime për monitorimin e masave ndaj COVID-19 në 24 orët e fundit .
Janë vendosur: 2 masa me gjobë në pishina të cilat janë gjetur në shkelje; 1 vendim për pezullim të aktiviteti; ISHSH vijon çdo ditë kontrollet dhe monitorimin në terren për parandalimin e COVID-19 në të gjithë qarqet e vendit. Ministria e Shëndetësisë dhe Mbrojtjes Sociale apelon të ruani distancën nga njëri tjetri, bani maska në ambientet publike ku nuk është e mundur të ruhet distance dhe ruani higjienën personale”, thuhet në njoftim.
