Detaje të reja rrëqethëse dalin në dritë, lidhur me rastin e rrëmbimit dhe incestit ndaj një vajze vetëm 14-vjeçare nga një 40-vjeçar në një hotel në Omonia. 40-vjeçari shqiptar që u arrestua si autor i ngjarjes i ka mohuar akuzat para autoriteteve greke.
Ai ka thënë se me vajzën ishte takuar rastësisht në Monastiraki rreth orës 00:15 dhe më pas qëndruan duke folur derisa kuptuan që nuk kishte më mjete transporti. Ai gjithashtu ka thënë se me vajzën ishte edhe një vajzë tjtër dhe i dashuri i saj.
“Ne u takuam rastësisht në Monastiraki rreth orës 00:15 dhe po bisedonim me miq të tjerë dhe koha kaloi dhe mjetet e transportit u mbyllën. Nuk munda të kthehesha dhe vendosa të qëndroj në hotel sepse ishte shumë ftohtë jashtë.
E mitura nuk donte te shkonte në shtëpinë e saj dhe gjate bisedës me tha nëse mund te vinte me mua në hotel. Erdhi edhe shoqja e saj bashkë me të dashurin që nuk i njoh. Edhe ata kishin ftohtë, kështu që ne shkuam në dhomë dhe pamë televizor”- ka deklaruar 40-vjeçari shqiptar.
Nëna e 14-vjeçares ka deklaruar se ndihen shumë të shqetësuar për atë që ndodhi në dhomën e hotelit. “Ne jemi shumë të shqetësuar për atë që ka ndodhur saktësisht në dhomë. Në ditët në vijim do të hidhet shumë dritë për rastin. Në asnjë nuk mendoj se i akuzuari ka qenë bindës në kërkimin e faljes”- tha ajo.
Megjithatë 40-vjeçari mohon të ketë lënduar të miturën, ndërsa autoritetet janë në pritje të përfundimit të raportit mjeko-ligjor. Në të njëjtën kohë, nga hoteli janë sekuestruar çarçafët, jorganët dhe këllëfët e jastëkëve për të proceduar më tej me hetimet.
Po ashtu shqiptari ishte edhe mik i familjes së vajzës. Alarmi se vajza ishte joshur dhe “rrëmbyer” nga ai, u ngrit në momentin kur vajza postoi një foto në Instagram nga dhoma e hotelit. Prindërit e saj e panë dhe menjëherë lajmëruan policinë pasi kishin dyshime se mund të kishte ndodhur diçka e keqe. Burimi: tovima.gr |
