Ndeshja mes Flamurtarit dhe Teutës, e vlefshme për javën e 17 të Kategorisë Superiore nuk u zhvilluar sot për shkak të reshjeve të dendura të shiut dhe terrenit të rënduar. Këto kushte atmosferike e kanë bërë të pamundur që ndeshja të zhvillohej, duke u ndërprerë në minutën e 10. Kjo ndeshje, do të zhvillohet ditën e nesërme duke nisur nga ora 12:00. Ky njoftim u bë nga vetë klubi i Flamurtarit në faqen zyrtare në “Facebook”.
“Zyrtare ! Ndeshja Flamurtari F.C : KF Teuta nderpritet dhe vendoset per tu luajtur diten e neserme ora 12:00”, shkruhej në njoftim. Ndeshja u mbyll kur rezultati ishte ende me porta të paprekura, 0-0.
