Policia e Pogradecit ka arrestuar 3 shtetas iranianë në pikën kufitare të Qafë-Thanës , të cilët akuzohen për veprën penale “Falsifikimi i letërnjoftimeve, i pasaportave ose i vizave”. Sipas njoftimit të policisë, u bë arrestimi në flagrancë i shtetasve Isein Tebrizi, 24 vjeç, Muhatar Necefi, 25 vjeç dhe Ali Necefi, 25 vjeç, banues në Stamboll, Turqi.
Këta shtetas janë paraqitur në hyrje të Republikës së Shqipërisë, me dokumente identifikimi të dyshuara si të falsifikuara, të cilat u sekuestruan në cilësinë e provës materiale. Materialet i kaluan Prokurorisë Pogradec për veprime të mëtejshme.
