Edis Reçaj është i riu i cili mbeti i plagosur në këmbë mbrëmjen e kaluar në Shkodër. I riu rezulton të jetë nipi i Edmir Alisë i cili u ekzekutua në dhjetor të vitit 2014 bashkë me shokun e tij Mondi Batri. Asokohe u njoftua se ngjarja e rëndë ka ndodhur për larje hesapesh, për shkak të shumave të mëdha të humbura në trafikun e lëndëve narkotike.
Ndërkohë 28-vjeçari Reçaj thuhet se mbrëmë ka qenë në një makinë me autorin i cili e ka qëlluar. Ka dyshime se dyshja kanë debatuar me njëri-tjetrin dhe më pas autori i cili është identifikuar e ka qëlluar me armë. Në këtë moment Reçaj ka dalë nga makina dhe ka shkuar në spital pasi kishte plagë të shkaktuara nga arma e zjarrit në këmbën e djathtë.
