Presidenti Ilir Meta ka shprehur ngushëllimet për familjen e Bujar Nishanit, i cili humbi personin e tij të dashur ditën e sotme. Në një shkrim në Twitter, Meta shkruan: “Ngushëllimet më të ndjera për familjen Nishani, për ndarjen nga jeta të nënës dhe gjyshes së tyre të dashur! U prehtë në paqe!”
Përmes një statusi në rrjete sociale, Nishani njoftoi se është ndarë nga jeta nëna e tij dhe dhimbja është aq e madhe sa e ka bërë të qajë si fëmijë. “Kur Nëna të largohet nga kjo jetë, megjithëse ti je vetë baba, përsëri qan si një fëmijë”,- shkroi Nishani.