Mes protestuesve që u mblodhën për rastin e Klodian Rashës, një vajzë u prezantua teksa fliste për mediat si motra e këtij të fundit, por kjo gjë nuk rezultoi të ishte e vërtetë. Vajza në fjalë, Bora Haruni nga fshati Shalës i Sarandës, është shprehur se e gjitha sipas saj ka qenë një keqkuptim.
Në një video-mesazh për emisionin “Shqipëria Live”, ajo thotë se është rritur në një lagje me Klodian Rashën dhe e ka ndjerë veten si të ishte motra e tij. Haruni thotë se punon në kasë, në një supermarket, dhe bën një jetesë midis Shqipërisë dhe Gjermanisë. Vajza i kërkon falje familjes Rasha dhe thotë se nuk ka komunikuar me ta. Më tej, ajo zbulon se i ra tënfikët në protestë pasi e goditën në bark dhe në shpinë.
“E kane keqkuptuar se si te isha motra e tij, por jemi rrit ne nje lagje dhe prandaj kam folur si motra e tij. Nuk e dija se kane marre njoftimet njerezit dhe punoj ne kase ne supermarket dhe jetoj pak ne Shqiperi se jetoj ne Gjermani. Me kane hapur probleme dhe besoj qe ti heq. Nuk kam folur me familjaret e Klodian Rashes dhe me kane marre familja ime. I kerkoj shume falje familjes dhe Zoti e qofte ne Xhehnet. Me ra te fiket ne proteste ku me goditen ne bark dhe ne shpine”, tha ajo.
