Ndonëse nuk duhet të ndodhte, ditën e sotme ka dalë kudo foto e efektivit që i mori jetën Klodian Rashës. Nevaldo Hajdaraj, 31 vjeç dhe baba i dy fëmijëve të vegjël kishte vetëm pak kohë që ishte transferuar në Tiranë, pasi më parë kishte qenë në Kamëz. Brenda një nate jeta e tij ndryshoi tërësisht për shkak të një gabimi të rëndë që ai bëri gjatë detyrës.
Ne si redaksi mendojmë se fotot dhe emri i tij nuk duhej të publikohej deri në zbardhjen e hetimeve, për më tepër në një kohë kur ka kaq trazira dhe në vendin tonë ekziston akoma fenomeni i gjakmarrjes. Madje këtë e ka përmendur edhe xhaxhai i Klodianit i cili tha se nëse nuk vendos drejtësi gjykata do të vendosin ata. Nuk dihet ende nëse familja e Nevaldos është marrë në mbrojtje. Megjithatë foto dhe emri i tij ka dalë nga vetë policia. 31 vjeçari do të dalë sot në orën 13:30 para gjykatës.
