Tërmeti i 26 nëntorit rezultoi tragjik. Përveç se shkaktoi 51 viktima, la pas edhe shumë ndërtesa të shkatërruara. Mësohet se shkollës “Emin Duraku” në Tiranë e cila ndodhet në zonën e ish-Bllokut, i është vënë shiriti pasi ka pësuar dëme.
Kjo shkollë është rikonstruktuar nga Bashkia Tiranë, vetëm tre vite më parë. Veliaj u shpreh tre vite më parë se në shkollën “Emin Duraku” u bë rindërtimi i palestrës, si dhe vendosja e sistemit të aspirimit.
Gjithashtu, sipas tij u bë funksional sistemi i ngrohjes, si dhe është riparuar i gjithë sistemi elektrik.
Ai shtoi se pjesë e investimeve në këtë shkollë kanë qenë edhe pjesët hidraulike, përfshi të gjitha tualetet në të gjitha katet e ndërtesës.
