Teuta Baci ka folur për Fax News pasi u ndalua nga policia me pretendimin se kishte qeshur me kryeministrin kur ai po kalonte. Baci tregoi se qëndroi për 1 orë e gjysmë në polici për prishje të rendit dhe qetësisë publike, ku deklaroi se ka qeshur kur kaloi Rama pranë saj por reagimi i saj nuk kishte të bënte me kryeministrin.
Ishte Rama që i foli i pari por nuk arriti të kuptonte nëse e pyeti përse se ka vënë maskën apo nëse po qeshte me maskën e tij, për të cilën thotë se kishte buzë të kuqe. Ndërsa kur arriti në Komisariat, ku qëndroi 1 orë e gjysmë, thjesht e refuzoi se kishte qeshur me Ramën dhe u kthye në shtëpi.
“Isha tek dera e Kalasë, sapo kisha dalë nga puna. Po bisedoja me një person dhe gjatë bisedimit, nuk e mbaj mend se për cfarë po qeshja. Ai po kalonte dhe unë nuk e pashë por më tha ky djali që po flisja që po kalon Edi Rama. Ishte në këmbë, po ecte. Më duket se kishte qenë tek protesta kundër maskave. Ka qenë ora 8. Po ecte në këmbë. Ne ishim ted era e kalasë, ai po merrte makinën që kishte parkuar para selisë së PD dhe kujtoi se po qeshja me të. Rama më foli i pari por nuk e dëgjova cfarë tha. A më tha pse nuk e ke vënë maskën, a po qesh me maskën time… Nuk e kisha vënë masën. Kishte vënë një maskë me buzë të kuqe.
Mirë iku ai, unë qëndrova dhe 2 minuta me këtë djalin duke bisedu. Po iki i thashë se po fillon shiu. Erdhën dhe 2 policë dhe më thanë “zonjë ku e ke maskën.” Më tha ku e ka maskën, i thashë në xhep. Më tha do shoqërohesh në komisariat,. E pyeta pse. Më tha ke prishur rendin publik. Ke qeshur me kryeministrin. Si përfundim thashë hajt po vij po i thashë do më sillni prap këtu se bie shi.
Më thanë do vish të japësh deklaratë. Shkova dhashë deklaratë se më tha shefi i policisë që mund ta refuzosh. E refuzova unë, qëndrova nja 1 orë e gjysmë. Jo po skam stilolaps, jo do vijë polici që ishte aty. Këto ishin, mbarova dhe u ktheva në shtëpi.” Fax News
