Një 47-vjeçar shqiptar është gjetur i vdekur në Itali, ku fillimisht u dyshua se kishte humbur jetën pas një aksidenti me makinë.
Sot, mediat italiane shkruajnë se Ilir Dervishi nuk ka vdekur në aksident, por është qëlluar disa herë me kaçavidë në bark, nga pasagjeri që ndodhej me të, shqiptari 34-vjeçar Miri Gurra.
Dyshohet se ata kanë pasur një debat ndërsa ndodheshin duke udhëtuar me makinë.
Sipas ekspertëve mendohet se Gurra e ka qëlluar me kaçavidën që ka gjetur në makinë, në kohën që Dervishi po drejtonte mjetin.
Kjo ka bërë që të shkaktohej edhe aksidenti.
Gurra është arrestuar tashmë nën akuzën për vrasje, por ka heshtur para Policisë duke mos dhënë asnjë deklaratë.
