Trupi i pajetë i Arben Lleshit, të dënuarit me burgim të përjetshëm që u ekzekutua në qelinë e tij në burgun e sigurisë së lartë Peqin mesditën e 15 dhjetorit 2023, nga Sokol Mjacaj, vijon të mbahet në morgun e Tiranës.
Trupi i pajetë i viktimës nuk u tërhoq nga familjarë apo të afërm të tij, të cilët e kanë braktisur për shkak të frikës së vijimit të sagës se hakmarrjes.
Burime për mediat bëjnë me dije së familja Lleshi nga fshati Rukaj i Burrelit po pretendon së fundmi, se ai nuk është i afërmi i tyre. Prokuroria e Elbasanit ka vendosur të bëjë krahasimin e ADN-së së viktimës me motrën e tij dhe pas rezultave do t’i jepet leja Bashkisë për të kryer varrimin.
Arben Lleshi ishte dënuar me burgim të përjetshëm për vrasjen dhe më pas djegien e trupit të pajetë të Agim Hoxhës në 2012 në Britaninë e Madhe. Lleshi u vra brenda qelisë së tij në burgun e sigurisë së lartë ne Peqin nga Sokol Mjacaj edhe ky i dënuar me burg përjetë për vrasjen e dy turistëve cekë gjatë një tentativë grabitje në 2015.
Ekzekutimi i Arben Lleshit dyshohet të jetë kryer për motive gjakmarrje. Më herët, persona të paidentifikuar kanë vrarë dy xhaxhallarët e tij ndërsa i kanë rrëmbyer e zhdukur pa gjurmë dy kushërinjtë e parë. Pavarësisht se familja Lleshi deri më tani ka humbur 5 pjesëtarë, sërish ata i frikësohen hakmarrjes, edhe pse rezulton se të afërmit e kishin braktisur 37-vjeçarin dhe asnjë prej tyre se kishte takuar në burg vitet e fundit.Për ekzekutimin me 3 plumba të 37-vjeçarit, akuzohet Sokol Mjacaj, por prokuroria nuk ka mundur të identifikojë ende urdhëruesit e krimit, ndonëse konfliktet mes dy familjeve janë të njohura prej 12 vitesh.
