Fushë -Krujë ishte një nga zonat me të përmbytura dje si pasojë e stuhisë së fortë me erë dhe shi, por një ditë më pas uji është tërhequr nga banesat duke lënë pas baltën dhe problemet për shumë familje, që kërkojnë ndihmë nga shteti për të kapërcyer këtë situatë.
Banorët e fshatrave Luz, Mazhe, Mallkuc, Gjuricë, Bilaj, Murqinë, Hasan, Ura e Gjolës dhe të tjerë në Fushë Krujë kanë nisur pastrimin e banesave, teksa pajisjet shtëpiake u kanë dalë jashtë përdorimit nga uji që i përmbyti.
E njëjta situatë është edhe në qytetet e tjera, Laç, Lezhë, Kamëz, por edhe zonat si në Vorë dhe në kryeqytet në Shkozë. Në Durrës që nga mbrëmja e djeshme ujësjellësi u vendos në punë dhe nisi furnizimi me ujë pas defektit. Moti sot është i kthejllët.
Meteorologia Adiola Bani u shpreh për Report Tv se nuk do të ketë më reshje të dendura shiu dhe moti do të jetë i kthjellët deri në fund të shtatorit.
