Në 11 Prill të këtij viti “Stop” transmetoi një rast nga fshati Dërmenas i Fierit. Qytetari Pajtim Berisha u ankua për fqinjin, Ervin Çela, punonjës i Kadastrës Fier.
Pajtimi tha se Ervini duke shfrytëzuar postin dhe duke qenë kryeazhornues, në vitin 2021, pronën e gjyshit, e kishte zhvendosur 6 metra në pronën e tij.
Në Mars 2023, për shkak të përditësimit të zonës qytetari u pajis me një certifikatë të re, ku, megjithëse fizikisht nuk kishte probleme me vendndodhjen, vuri re, se në hartë fqinji kishte ardhur 6 metra në tokë të tij.
I rikthehemi këtij problemi me një lajm të mirë. Pajtim Berisha, thotë, se çështja u mbyll në favor të tij dhe gjërat vajtën në vendin e vet, pas ndërhyrjes së emisionit “Stop”./Tv Klan
