Ashtu siç ishte paralajmëruar, Komisioni Europian njofton se ka nisur shpërndarja e vaksinave anti-Covid në 27 vendet e Bashkimit Europian. KE ka shpërndarë edhe një video në rrjetet sociale ku shihet se dozat e vaksinave janë paketuar dhe janë nisur drejt vendeve anëtare të unionit.
“Pasi paketuan me kujdes dozat e vaksinave të sapo miratuara të koronavirusit, ato u nisën për në 27 vendet e Bashkimit Evropian,” thotë KE. “Këto vaksina së shpejti do të arrijnë në destinacionet e tyre për t’u përdorur gjatë datave 27, 28 dhe 29 dhjetor”, vijon deklarata. Më herët Rregullatori i Bashkimit Evropian dhe Komisioni Evropian i dha dritën e gjelbër vaksinës së Pfizer dhe BionTech, duke lejuar nisjen e vaksinimeve të para më 27 dhjetor.
Presidentja e Komisionit Evropian, Ursula van der Leyen, dhe Komisioneri për Zgjerimin e Bashkimit Evropian, Oliver Varhelyi, kanë premtuar se BE do ta ndihmojë edhe Ballkanin Perëndimor me vaksina kundër koronavirusit. Derimë tani vetëm në Serbi kanë mbërritur vaksinat, pas marrëveshjes që vetë ky shtet ka pasur me kompaninë Pfizer.
After being carefully packed, batches of the newly approved #COVID19 vaccine are being dispatched to the 27 🇪🇺 countries.
These vaccines will soon be arriving at their destination to be used during the #EUVaccinationDays on 27, 28 and 29 December. pic.twitter.com/2BZCo6N7vb
— European Commission (@EU_Commission) December 24, 2020
