Banorët e Astirit vazhdojnë të protestojnë ndaj vendimit të qeverisë për të prishur banesat e tyre pa marrë më parë dëmshpërblimin e plotë.
Në ditën e 16 të protestës, ata i qëndrojnë kërkesës së tyre, për dëmshpërblim 100%, ndërsa paralajmërojnë se pasdite do të jenë sërish në rrugë.
“Pa na dhënë 100 % të dëmshpërblimit, ne nuk tërhiqemi”, tha një nga protestuesit. Për të ndjekur nga afër protestën kanë zbritur në terren edhe përfaqësues të Avokatit të Popullit.
Një nga juristët e këtij institucioni deklaroi se ata po ndjekin rastin e një gruaje, e cila pretendon se është dhunuar nga policia, ndërsa qytetarja denoncimin e bëri drejtpërdrejt në televizionin Neës 24.
“Sigurisht që po e mbikëqyrim situatën. Avokatja është prononcuar publikisht për rastin e dhunimit të një gruaje. Ne po mbledhin informacion, por po ndjekin edhe rastin e zonjës e cila tregoi se është dhunuar nga policia. Pikërisht për këtë kemi ardhur për të vëzhguar”, tha një nga përfaqësuesit e Avokatit të Popullit.
