Gazetari shpëtim Zhinxhiria tha për Euronews Albania, se autoritet shqiptare duhet të jenë më të vëmendshëm ndaj ngjarjeve të tilla si ajo e katër ditëve më parë ku një 35-vjeçar me inicialet L.B, nga Kurbini ka humbur jetën në burgun Korfuzit në Greqi.
Ai tha se më parë ka pasur më shumë raste të shqiptarëve të vdekur nëpër burgje dhe se kushtet janë përmirësuar me kalimin e viteve, por shteti shqiptar duhet të bëjë më shumë, pasi ngjarje të tilla herë pas here nuk raportohen dhe vdekjen e 32-vjeçarit e kishte publikuar vetëm një portal në greqi, por jo mediat greke.
“Kjo ngjarje ka ndodhur 4 ditë më parë në burgun e Korfuzit. Shqiptari 35 vjeçar është varrosur në Shqipëri. Familjarët nuk kanë dashur të japin më shumë informacion. Ngjarja e fundit nuk është raportuar në mediat vendase. Në mediat greke nuk është përmendur, vetëm në një portal. Megjithatë kushtet në burgjet greke janë përmirësuar. Por institucionet shqiptare duhet të jenë më në lartësinë e duhur. Në vitin 2018 kanë vdekur 24 shqiptarë, nga 2 në muaj dhe institucionet shqiptare kanë heshtur, por kjo nuk është punë e ambasadës”, -tha gazetari.
