Erion Veliaj është betuar si kryetar i Bashkisë Tiranë, duke regjistruar kështu fillimin e një mandati të dytë qeverisës.
Në fjalën e tij Veliaj shprehu mirënjohje për kryeministrin Edi Rama dhe socialistët për besimin dhe mbështetjen që i kanë dhënë në drejtimin e këtij institucioni.
Veliaj: I kam qenë gjithmonë shumë mirënjohës Edi Ramës dhe PS-së, që më dha besimin të drejtoj kryeqytetin tonë. Por në fakt këtë mirënjohje dhe këtë mandat e kam dy herë më të madhe sepse tani kam rënë në dashuri me bashkinë. Tani e mendoj se ç’vështirësi për vendimmarrje ka pasur Edi Rama, apo PS, ata që më dhanë këtë mbështetje pasi kanë qenë këtu. Nostalgjia e të pasurit të një vendi ku ke rënë në dashuri, ke shërbyer me dashur, ke kaluar me përkushtim ditë të tëra për t’ja transferuar dikujt të ri besoj se ka qenë e vështirë. Sot jam dyfish i nderuar për besimin që mu dha nga PS dhe nga qytetarët, ndoshta nga zgjedhjet më të pazakonta në historinë e qytetit dhe të vendit. Por megjithatë thirrja jonë është të shërbejmë.
