Ministrja e Shëndetësisë Ogerta Manastirliu ka përcjellë një apel për respektimin e masave për parandalimin e koronavirusit. Manastirliu thotë se normaliteti kërkon kujdes në përditshmërinë tonë duke zbatuar disa rregulla të thjeshta. “Normaliteti i ri kërkon vetëm pak kujdes nga secili prej nesh, në përditshmërinë tonë. Ndihmoni në ndalimin e përhapjes së koronavirusit, duke zbatuar disa rregulla të thjeshta”, shkruan Manastirliu.
Rregullat në udhëzuesin e publikuar nga ministrja -Laj duart shpesh -Kur del me miqtë vendos maskë -Qëndro të paktën 1 metër larg nga të tjerët -Dezinfekto objektet që prek shpesh -Mos prek sytë, hundën dhe gojën -Mbuloni gojën kur kolliteni apo teshtini -Qëndroni në shtëpi nëse jeni sëmurë
