Qeveria kufizon më tepër daljen në rrugë të këmbësorëve pas mos përgjegjësisë të disa qytetarëve të cilët nuk zbatuan vetëizolimin në shtëpi dhe nuk respektuan orarin e vendosur ditën e hënë.
Për këtë arsye nga dita e sotme shqiptarët do të mund të dalin nga banesa e tyre vetëm për 6 orë në ditë, 4 orë paradite dhe 2 orë pasdite.
Paradite 06:00-10:00
Pasdite 16:00-18:00
Kryeministri Edi Rama bëri të ditur se çdo njeri që do të shkelë këtë urdhër jo vetëm që do të gjobitet, por as nuk do të përfshihen në paketa e ndihmave shtetërore.
Megjithatë nga një vëzhgim i Ora News në kryeqytet, qytetarët vazhdojnë të qarkullojnë edhe pas orës 10:00.
Që nga dita e hënë, 11 persona në Tiranë, Durrës dhe Vlorë janë gjobitur për shkak se kanë thyer vendimin e qeverisë duke dalë nga banesa e tyre pas orës 18:00.
