Policia e Fierit ka arrestuar një 25-vjeçar, i cili vodhi me forcë 126 mijë lekë në një farmaci në lagjen “Liri”.
Një pjesë e shumës së parave dhe veshjet që ka pasur 25-vjeçari gjatë vjedhjes, janë sekuestruar në cilësinë e provës materiale.
Ai akuzohet për veprën penale “Vjedhja”.
Njoftimi i policisë
Fier
Reagimi i shpejtë i Policisë identifikon dhe çon në pranga 25-vjeçarin që vodhi me forcë, një shumë parash, në një farmaci në lagjen “Liri”.
Sekuestrohet një pjesë e parave që vodhi 25-vjeçari dhe veshjet që ai ka patur gjatë vjedhjes.
Si rezulat i hetimeve të kryera nga specialistët për Hetimin e Krimeve të Komisariatit të Policisë Fier, pas kallëzimit nga punonjësja e një farmacie, për vjedhjen e një shume parash, në farmaci, u identifikua, u kap dhe u vu në pranga autori i dyshuar, shtetasi:
-I. Gj., 25 vjeç, banues në Fier.
Ky shtetas dyshohet se ka vjedhur me forcë, 126 000 lekë në farmacinë në lagjen “Liri”. Një pjesë e shumës së parave dhe veshjet që ka patur autori, gjatë vjedhjes, janë sekuestruar në cilësinë e provës materiale.
Materialet procedurale iu referuan Prokurorisë së Fierit, për veprën penale “Vjedhja”.
