Autorët nuk janë kapur ende ndonëse ka një vit që policia po punon për këtë dhe ndonëse, po prej një viti, ata vazhdojnë të bëjnë “kërdinë” me vjedhjet nëpër biznese.

Në videon e parë duken dy persona të maskuar, një prej të cilëve kontrollon me sy kamerat e survejimit, të cilët marrin me shpejtësi të gjithë celularët duke boshatisur raftin.

Në videon e dytë janë gjithashtu dy autorë të cilët vjedhin disa lap-top dhe largohen.

Në videon e tretë, 3 autorë, pasi hapin qepenin, thyejnë xhamin, futen brenda por nuk arrijnë të marrin asgjë pasi dyqani ishte i boshatisur.

Ndërsa në videon e katërt, shihen 3 autorë të cilët hapin sirtarët ku gjenden celularët dhe marrin ç’munden duke u larguar me shpejtësi.

Kjo pasi vetë bizneset janë siguruar mos lenë mallin brenda duke ditur valën e grabitjeve dhe duke ditur që policia s’ka marrë asnjë masë.

Newsbomb.al mëson se vetë bizneset, që e kanë humbur tashmë besimin te policia, kanë ofruar 10 mijë euro shpërblim për këdo që jep informacion lidhur me autorët.