Mark Luka është i prerë në fytyrë dhe ende s’e ka marre veten nga fatkeqësia që i ra papritur. Vetëm dy ditë pasi u kthye nga Amerika në shtëpinë e tij në Troshan të Lezhës, bombola e gazit shpërtheu në duart e së shoqes, Gjyste Lukës duke e lënë të plagosur rëndë dhe duke ia shkatërruar plotësisht shtëpinë e re që nuk i ka bërë ende tre vjet ndërtuar.
Në një intervistë për SYRI TV, Mark Luka tregon se para dy ditësh kishte ardhur nga Amerika dhe dje, për herë të parë kishte shkuar në Lezhë për të paguar faturat e mbledhura të një muaji, ilaçet e së shoqes.
Ai kishte lidhur edhe bombolën, madje dhe e kishte provuar me çakmak nëse bombola kishte rrjedhje dhe në darkë e shoqja kishte gatuar një pilaf
Nuk dihet se çfarë ndodhi me bombolën gjatë natës, por në mëngjes, ai dëgjoi një shpërthim të fuqishëm dhe menjëherë mendoi: Tërmet! E tundi!
Shtëpia u shemb dhe para syve iu shfaq ato momente e shoqja, me fytyrën e zbehtë, që atij iu duke sikur i kishte rënë pluhuri dhe i tregoi se kishte shpërthyer gazi.
“Mbase ka rrjedhur natën, se nuk e mbylla këtu jashtë…Bombola ka qënë gjysmë e mbushur dhe e kisha mbyllur në mënyrë hermetike para se të ikja, Por me të kemi punuar tërë jetën”, tha Mark Luka.
Ai nuk mundet ta shpjegojë si ndodhi një gjë e tillë, të tillë shkatërrim ka parë vetëm nga eksplozivët, por kujtojmë se nuk ështe e para herë që bombolat e gazit në Lezhë kanë shkaktuar ose afruar rrezikun e një tragjedie.
Policia e Lezhës ndërkohë vazhdon hetimet. © SYRI.net
