Një aksident i rëndë ka ndodhur në Meksikë, ku një balenë ka goditur një varkë të vogël e cila po transportonte turistë.
Në një video që është bërë virale në mediat shihet se pas përplasjes nga balena anija ngrihet në ajër, ku njerëzit ‘fluturojnë’ në ujë.
Videoja e publikuar nga autoritetet në Meksikë tregon momentin e përplasjes së fortë.
Si pasojë tre persona që ndodheshin në anije janë plagosur lehtë, ndërsa dy të tjerë janë dërguar në spital. Autoritetet thonë se një pasagjer tjetër u dërgua nga personeli i marinës në një klinikë.
Zëdhënësi i mbrojtjes civile tha se njerëzit që po i drejtonin varkën mund të mos e kenë parë balenën nën ujë.
“Balena doli në sipërfaqen e ujit dhe e ngriti varkën në ajër”, tha ai.
