Aktori i njohur i humorit Gazmend Paja u përfshi në një aksident paraditen e kësaj të enjteje në Tiranë.Ai udhëtonte me një motor dhe u përplas me një automjet. Nga pamjet e publikuara nga dosja.al shihet se aktori ka qenë me mjaft shpejtësi dhe se ka hyrë në kryqëzim në momentin që është ndezur drita e kuqe e semaforit.
Paja u përplas me pjesën e përprame të makinës dhe fluturoi në ajër, por për fat të mirë mbante një kaskë në kokë. Mësohet se ai është ende në spital ku po merr ndihmën mjekësore dhe se nuk ka probleme të rënda. Policia shoqëroi shoferin e makinës për marrjen e dëshmisë.
