Muma Mweemba rezultoi të ishte kundërshtar shumë i dobët për të përballuar furinë Florian Marku. Në ndeshjen e zhvilluar në Londër kampioni shqiptar ka gjunjëzuar që në raundin e parë kundërshtarin dhe ka fituar ndeshjen pa i dhënë mundësinë kundërshtarit të reagojë.
Vetëm në raundin e parë Marku e rrëzoi rivalin tre herë, teksa hera e parë në brinjë rezultoi të ishte fatale sepse pas saj Mweemba nuk arriti të reagojë në mënyrën e duhur ndaj goditjeve të njëpasnjëshme të Markut.
Kështu ndodhi derisa boksieri shqiptar gjeti hapësirën e duhur dhe lëshoi seri goditjesh të forta në fytyrën e kundërshtarit, aq sa gjyqtari të ndalonte ndeshjen dhe Mweemba të kishte nevojë për maskën e oksigjenit. Kjo ishte ndeshja e shtatë e Markut në disiplinën e boksit, teksa regjistron po aq fitore.
Në fakt Mweemba qe paralajmëruar më parë kur Marku shprehej: “Nuk je përballur kurrë me një si unë, do e shohësh nesër në ring”. Në fund me siguri kundërshtari është bindur.
That is some statement from @FlorianMarku92 at @ultimateboxxer 👏
TNT in both hands as he knocks out Muma Mweemba in the first round #TuesdayNightFightNight pic.twitter.com/imSdYzFh3S
— Boxing on TNT Sports (@boxingontnt) November 10, 2020
