Një banesë është përfshirë nga flakët në një pallat në zonën e Komunës së Parisit në Tiranë. Banesa e cila ndodhet në katin e shtatë të një pallati, është duke u djegur, ndërkohë që zjarrfikësit kanë mbërritur në vendngjarje dhe po punojnë për shuarjen e flakëve. Nuk dihet ende nëse ka pasur banorë brenda saj në momentin e rënies së zjarrit. Sipas policisë zjarri ka rënë pas shpërthimit të një b ombule gazi dhe fatmirësisht nuk ka persona të lënduar.
Njoftimi i policisë: Me datë 09.12.2021, rreth orës 11:10, në një kompleks pallati, si pasojë e shpërthimit të një bombule gazi, ka rënë zjarr në banesën e shtetases A. K., ku ka vetëm dëme materiale. Në vendngjarje ndodhen forcat zjarrfikëse të cilat po punojnë për fikjen e zjarrit. Vijon puna nga grupi hetimor për zbardhjen e rrethanave të ngjarjes.