Viti 2018 është i Liverpool-it. Skuadra e drejtuar nga Jurgen Klopp po zhvillon një sezon fantastik, teksa këtë herë ka shkatërruar Arsenalin me rezultatin 5-1 në takimin e fundit kalendarit.
Heroi i takimit ishte padyshim Firmino, me brazilianin që shënoi një tripletë përballë skuadrës së Unai Emery. Edhe pse takimi nisi në malore për “The Reds”, pasi Maitland-Niles kaloi në avantazh “topçinjtë”, Firmino me shokë e gjetën forcën për të reaguar, duke përmbysur gjithçka. Fillimishte ishte braziliani që zhvlerëoi golin e Niles brenda 2 minutash.
Ndërkohë goli i Mane në minutën e 32-të thelloi akoma më tepër avantazhin. Megjithatë, goleada e Liverpool nuk ishte ndalur këtu, me Mohamed Salah që në limitet e pjesës së parë u tregua i saktë nga 11 metra larg. Rikthimi në fushë shërbeu vetëm për Firmino, i cili përmes penalltisë kompletoi “hat-trickun” personal dhe mori topin në shtëpi.
Pas kësaj fitoreje, Liverpool vijon të jetë e pamposhtur në këtë sezon, teksa numëron 54 pikë në krye të klasifikimit. Ndërsa për Arsenalin kjo është humbja e 4-t, ku mban vendin e 5-të me 38 pikë.
