Shoqërimet për vrasjen e biznesmenit të Fierit, Demir Backa vijojnë, teksa bëhet me dije se ditën e sotme, policia ka shkuar në shtëpinë e shtetasit Arben Isufi të njohur si “Ben Qimja”.
Nga burimet bëhet me dije, se nuk është gjetur në shtëpinë e tij. Familjarët kanë deklaruar për policinë se ai është me punë në kryeqytet. Policia i ka lënë një fletëthirrje që ai të paraqitet në polici për të treguar se ku ka qenë mbrëmjen e 23 tetorit, ndërsa ende nuk është paraqitur.
Biznesmeni Demir Backa u vra mbrëmjen e së shtunës, nw 23 tetor teksa ndodhej në makinën e tij në parkingun e një qendre tregtare. Plot 18 plumba u zbrazën mbi të, teksa pak minuta pas krimit autorët dogjën një automjet në dalë të Fierit. Policia ka shoqëruar deri tani disa persona, por ende pa gjurmë të sakta të autorëve të krimit./faxweb
