Leonardo DiCaprio dhe e dashura e tij Vittoria Ceretti u panë duke mbërritur në Meksikë me një avion privat, ndërkohë që në Los Anxhelos vazhdojnë zjarret katastrofike. Mbi 100,000 njerëz janë evakuuar, ndërsa disa nga kolegët e tij të Hollywood-it, Tom Hanks, Anthony Hopkins dhe Julia Louis-Dreyfus, kanë humbur shtëpitë e tyre për shkak të zjarreve.
Duke marrë parasysh reputacionin e Di Caprios si ambientalist, udhëtimi në Meksikë me avionin e tij privat ka ngritur mjaft pikëpyetje.
Si themelues i Fondacionit Leonardo DiCaprio, fituesi i Oskarit, ka financuar mbi 80 milionë dollarë të fokusuara në ndryshimin e klimës dhe qëndrueshmërinë e saj.
I veshur me një kapele bejsbolli, Leo u shfaq i patrazuar teksa doli nga avioni së bashku me të dashurën e tij, babanë e tij, George DiCaprio që ishte i shoqëruar nga gruaja e tij.
Ikja e Leos vjen pas një dalje me babanë e tij në një drekë të shkurtër në Hollywood që tregon lidhjen e fortë mes tyre.
Ndërkohë, Leo dhe Ceretti nxitën thashetheme në fillim të këtij viti kur Vittorias ju pa një unazë diamanti në formë zemre gjatë pushimeve të tyre në Itali. Megjithatë, burimet pranë çiftit zbuluan se Ceretti e kishte unazën që nga viti 2022 para se të fillonte lidhja me yllin e Hollywood-it.
