Personi, qe u gjet i pajetë mbrëmë tek Ura e Dajlanit është aksidentuar nga dy mjete njëri pas tjetrit, teksa levizte me motor. Në njoftimin e Policisë së Durrësit thuhet se më herët një autobus  tip ‘Skania’ ishte përplasur me një motor në autostradën Tiranë-Durrës, në Shkozet, Për pasojë, mbeti viktime drejtuesi i motorit. Sipas Policisë, viktima 25 vjeç, me iniciale R.B,  pas autobusit u godit edhe nga një automjet tjetër, i cili e ka marrë trupin e të riut nga vendngjarja për ta hedhur në rrugë prane Urës së Dajlanit. ABC News ka siguruar edhe videon ku tregohet momenti kur trupi i pajetë hidhet nga mjeti në rrugë tek ura e Dajlanit. Në trupin e te riut ka shenja dhune dhe dëmtime të tjera. Ndërsa motori i viktimës është gjetur në vendin e aksidentit,  poshtë autobusit që e aksidentoi. Policia ka shoqëruar shoferin e autobusit për ta marrë në pyetje. Ndërsa vazhdojnë hetimet për të zbardhur rrethanat e aksidentit. ABC NEWS