Rreth 5300 vetë janë në karantinë totale në dy kroçiera, pasi disa prej pasagjerëve shfaqën simptoma të virusit kinez. Anija e parë u bllokua në Yokahoma në Japonisë dhe në brendësi të saj ishin rreth 3700 persona. Ajo u fut në karantinë, pasi 8 prej pasagjerëve shfaqën simptomat e virusit.
“Diamond Princess” aktualisht është e ankoruar në afërsi të Tokios dhe mësohet se në bordin e anijes janë të paktën 428 amerikanë, të cilët po i nënshtrohen testeve për koronavirusin.Anija e dytë “World Dream” është ankoruar ne Hong Kong dhe në bord janë rreth 1800 persona. Autoritetet janë të shqetësuar, pasi pjesa më e madhe e pasagjerëve janë mbi moshën 60 vjeçare dhe sipas studimeve kanë më shumë gjasa të preken nga virusi. Shqetësim kanë shfaqur edhe autoritetet amerikane, të cilët priten të marrin masa për qytetarët e saj në bordin e kroçierës. SHBA-ja më herët ka shpallur emergjencën kombëtare dhe ka ndaluar hyrjen në SHBA të personave që kanë udhëtuar në vatra të infeksionit.
