Në të gjitha shkollat e vendit po vijon puna për marrjen e masave për vitin e ri shkollor. Ministrja e Arsimit, Sportit dhe Rinisë, Besa Shahini, publikoi sot një video me pamje nga puna përgatitore që po kryhet në këto shkolla. “Po vijojnë të gjitha përgatitjet që shkollat të jenë gati për fillimin e vitit të ri shkollor. Mbrojtja e shëndetit të nxënësve e mësuesve është prioriteti ynë”, – tha Shahini.
Me fillimin e vitit të ri shkolllor të gjitha bashkitë po marrin masat e nevojshme për rikthimin e nxënësve në banka, duke ndjekur me përpikmëri protokollet e sigurisë për marrjen e masave antiCovid. Në të gjitha institucionet e arsimit parauniveristar ka nisur dezinfektimi i ambienteve.
