Tifozët e Juventusit mund të buzëqeshin. Dushan Vlahoviç ka mbërritur në Torino dhe tashmë është gati për aventurën e tij të re.

Blerja e madhe e Juventusit sapo ka mbërritur në qendrën mjekësore të bardhezinjve “J-Medical” për t’iu nënshtruar të gjitha testeve mjekësore dhe më pas për të hedhur firmën në kontratë. Serbi do të përfitojë plot 7 milionë euro, duke kaluar edhe shifrën e Paulo Dibalës dhe Alvaro Moratës.

Tifozët bardhezi kanë mbushur qendrën mjekësore teksa i rezervojnë dhe një pritje të ngrohtë sulmuesit 22-vjeçar serb. Vlahoviç me fanellën e Fiorentinës këtë sezon në Serinë A është aktivizuar në total në 21 ndeshje nga ku ka realizuar plot 17 gola duke dhuruar dhe 2 asiste.