Trupat xheniere të Forcave të Armatosura Shqiptare kanë asgjësuar një shtimje topi të 97′-ës në Kaninë të Vlorës. Ministrja e Mbrojtjes Olta Xhaçka publikoi rastin e gjetjes dhe asgjësimit të saj. Forcat e Armatosura eliminuan një rrezik real për banorët dhe personat që kalojnë në atë rrugë. Objekti ishte 75 mm dhe gjendej vetëm 10 m nga rruga.
Ministrja theksoi se skuadrës së EOD iu desh ta asgjësonte në vend shtimjen pasi ishte e rrezikshme për t’u transportuar.
“Xhenierët e @FA_Shqiptare eliminuan një rrezik real për banorët e Kaninës në Vlorë. Një shtimje topi 75 mm prej vitit të mbrapshtë 1997, gjendej vetëm 10 m nga rruga. Skuadrës së EOD iu desh ta asgjësonte në vend shtimjen pasi u vlerësua si e rrezikshme për t’u transportuar.”, shkruan ministrja në profilin e saj.
