Flamurtari ka nisur sot stërvitjen e parë në fushën stërvitore tek “Pylli i Sodës”. Pas më tepër se dy muajsh skuadra i është rikthyer stërvitjes në ekip, teksa gjatë kësaj periudhe janë stërvitur individualisht. Me disa mungesa si Gocaj, Sarris, por edhe pa trajnerin brazilian Marcelo Troisi i cili ndodhet jashtë kufijve dhe pritet të kthehet në ditët e ardhshme nga Greqia.
Në krye të skuadrës momentalisht është Dritan Resuli,i cili ka qenë pjesë e stafit drejtues prej kohësh. Tekniku vlonjat flet rreth kampionatit, vazhdimit të tij dhe vështirësive që i presin kuqezinjtë. Resuli pranon se lojtarët kanë kryer përgatitje individuale ndërsa do të synohet që të arrihen ato objektiva që kanë mbetur deri në fund.
