Fshati Bishan i njësisë administrative të Novoselës, të qytetit bregdetar të Vlorës, ka rënë sërish pre e grabitjes duke u rikthyer edhe një herë fenomenin në të gjithë zonës. Burime nga policia e Vlorës bëjnë me dije se vetëm në muajin tetor në fshatin Bishan ka patur mbi 10 grabitje.
25 krerë bagëti i janë grabitur një blegtori i cili është detyruar të shesë delet nga frika për humbje të mëtejshme. “Më kanë vjedhur 25 dele, unë sa ika në shtëpi në orën 11, mi morën të gjitha delet mi futën në makinë”, shprehen banorët.
Grabitjet vijojnë prej vitesh edhe në banesë, por asnjë masë nuk është marrë për mbajtjen e situatës nën kontroll. “Nuk kemi parë as të bëjnë ndalime, as të jetë kapur njëri këtu në Bishan, të bëhët problem. Vjen tjetri, të rrish me frikë në shtëpinë tënde, se ne jemi pleq jemi në shtëpi. Në një shtapi në fund të fshatit nuk kishin lënë gjë pa marrë, ishin futur nga autustrada i kishin mar të gjitha në atë shtëpi”, shprehen banorët.
Muaj më parë policia ka arrestuar disa persona, por grabitjet nuk janë ndalur. “Lopë , viça , dherë janë marrë të gjitha. Një kec u vodh para 1 muaji kur ishte festa e Myzeqesë”, shprehen banorët. Familjarët akuzojnë se nuk ka munguar as shkatërrimi me dashje i tokave të mbjella me ullinj, ku janë djegur ose prerë në mënyrë të përsëritur me dhjetëra rrënjë.
