Gjendet trupi i pajetë vetëm gjatë mëngjesit të së enjtes,pas një aksioni kërkimi nga roja bregdetare dhe policia kufitare. Mehmet Aliraj 60 vjec, ka shkuar për të peshkuar me pushkë sportive në zonën e Karaburunit pranë vendit të quajtur Raguna 1.
60 vjecari ëshyë futur në ujë gjatë mbrëmjes së të mërkurës,ndërsa nuk ka mundur të dalë dot më nga uji. Humbja e kontakteve me familjarët ka vënë në alarm këta të fundit,të cilët kanë lajmëruar policinë,ndërsa pasi është konfirmuar se 60 vjecari ndodhej pranë zonës së Karaburunit për të gjuatur peshk. Kanë nisur ,menjëherë kërkimet për gjetjen e trupit. Kërkimet gjatë mbrëmjes së të mërkurës nuk kanë mundur të gjejnë dot trupi e 60 vjecarit,ndërsa ato janë ndërprerë për shkak edhe të motit të paqëndrueshëm.
Kërkimet për gjetjen e trupit të 60 vjecarit kanë rinisur gjatë orëve të para të mëngjesit në zonën e Karaburunit,ndërsa për disa orë kërkimet u kryen nga toka dhe deti nga forcat e rojes bregdetare dhe policisë kufitare. Vetëm pas disa orë kërkimes gjatë mëngjesit të së enjtes,trupi i i 60 vjecarit u gjend në zonën e quajtur Raguza 2 në afërsi të gjirit të Dukatit në zonën e Karaburunit. Trupi i pajetë i 60 vjecarit u përcoll më pas drejt morgut të spitalit rajonal të qytetit të Vlorës për veprime të mëtejshme.
