Gjenden shëndoshë e mirë turistët hungarez të cilët kishin humbur gjatë orëve të mbrëmjes të së dielës në gadishullin e Karaburunit. Pas afro 10 orësh kërkime policia e Vlorës në bashkëpunim me policinë kufitare dhe Repartin delta ka bërë të mundur evidentimin e vendndodhjes së tyre. Policia e Vlorës rreth orës 20:00 të mbrëmjes të së dielës u lajmërua nga cifti hungarez të cilët kishin humbur rrugën në gadishullin e Karaburunit dhe më pas për afro 10 orë telefoni i tyre ka qenë i fikur duke e bërë të veshtirë evidentimin e vendodhjes së tyre. Makina që ata kishin marrë me qera ishte gjendur në afërsi të Karaburunit dhe turistët hungarez kishin tentuar të eksploronin terrenin e thyer në këmbë dhe më pas ne një zone të shkretë kishin humbur rrugën
Policia e Vlores menjëhere pas telefonates ka nisur kontrollet në bashkëpunim me policinë kufitare dhe repartin delta dhe ka bërë të mundur gjetjen e ciftit të turistëve hungarez në orët e para të mëngjesit të kësaj të hëne, rreth orës 6 të mëngjesit. Cifti hungarez rreth moshës 30 deri ne 40 vjec janë gjendur në gadishullin e Karaburunit në një zonë të braktisur ku nuk ka pasur as valë telefonike. Ata e kanë kaluar natën duke fjetur në cadër kampingu për të përballuar errësirën. Cifti hungarez është gjendur në gjendje të mirë shëndetësore duke u trasportuar në drejtim të Vlorës shendoshë e mirë. Ata kanë falenderuar shërbimet e kërkimit që iu erdhën në ndihmë.
