Vlorë, Policia ka arrestuar në flagrancë dy shtetas për veprat penale “Kundërshtimi i punonjësit të policisë së rendit publik” dhe “Drejtimi i automjetit në mënyrë të parregullt”. Arrestohet shtetasi F. M., 27 vjeç, banues në fshatin Bishan, Vlorë. Policia ka bërë arrestimin e tij pasi ky shtetas në lagjen “Kushtrimi” për motive të dobëta ka kundërshtuar me dhunë fizike patrullën e përgjithshme të policisë.
Arrestohet shtetasi J. Xh., 47 vjeç, banues në Vlorë. Arrestimi i tij u bë në lagjen “Ujë i Ftohtë” Vlorë, pasi është kapur duke drejtuar automjetin në gjendje të dehur. Materialet i kaluan Prokurorisë për veprime të mëtejshme.
