Gjenden shëndosh e mirë çifti i turistëve hungarez që kishin humbur rrugën në Karaburun. Burrë dhe grua të moshës 30-40 vjeç u gjetën nga policia mëngjesin e sotëm në një zonë të gadishullit të Karabrunit, një zonë në errësirë të plotë dhe pa sinjale telefonike. Ishin vetë ata që njoftuan policinë për ndihmë rreth orës 20:00 të mbrëmjes së të dielës, 25 gusht, pasi nuk e dinin më rrugën.
Për rreth 8 orë pas këtij momenti telefoni i tyre ka qenë pa sinjal telefonik, çka e bënte të vështirë identifikimin e vendodhjes se tyre.
Turistët janë në gjendje shëndetësore të mirë, teksa kishin hapur çadrën gjatë natës për të kaluar errësirën. Automjeti i cili është marrë me qira nga ana e tyre mësohet se ndodhet i parkuar pranë zyrave të zonave të mbrojtura në Vlorë
