Me rastin e 106 vjetorit të Krijimit te policise së Shtetit Shqiptar, në ambientet e drejtorise se policisë së qarkut Vlorë, është zhvilluar një ceremoni si në të gjithë vëndin në shenjë nderimi, mirënjohjeje dhe respekti, për të gjithë Punonjësit dhe Ish-Punonjësit e policisë , të cilët kanë dhënë dhe po japin kontributin e tyre në ndihmë të komunitetit. Nuk kanë munguar në këtë aktivitet që përkujtonë 106 vjetorin e krijimit të policisë së shtetit ,edhe veteranë ,ish pjestar ndër vite të uniformave blu ,por edhe familjare të punonjësve të policisë të rënë në krye të detyrës. Drejtori i policisë së qarkut Vlorë Gentian Shehaj e ka cilësuar një ditë shumë të rëndësishme për polcinë e shtetit 13 janarin,ndërsa ka kërkuar vlerësimin maksimal për punën e punonjësve dhe ish pjestarëve të policisë së shtetit.Vleresime kanë ardhur në këtë ceremoni edhe nga prefekti i qarkut Flamur Mamaj dhe të pranishëm të tjere për punonjësit e policisë të rënë në krye të detyrës,ndërsa nuk kanë munguar edhe ish pjestarë të policisë së shtetit,për të cilët policia dhe mbajtja e kësaj uniforme duhet të vlerësohet maksimalisht. Në Vlorë nga viti 1990 janë 14 ish punonjës së policisë të shpallur dëshmorë të atdheut
