Të shtënat me ar më zjarri kanë tronditur Vlorën mesnatën e kaluar ku mbeti i plagosur një i ri 18 vjeç. Ai u dërgua me urgjencë drejt Tiranës dhe është shtruar në spitalin e Traumës ku ndodhet në gjendje të rëndë shëndetësore. Policia njofton se plagosja erdhi pas një konflikti për motive të dobëta.
Ndërkohë, është bërë i mundur identifikimi i autorit të dyshuar dhe ka nisur puna për kërkimin dhe shoqërimin e tij. Njoftimi paraprak: Plagosi me armë zjarri 1 shtetas gjatë një konflikti për motive të dobëta, Policia identifikon dhe shpall në kërkim autorin e dyshuar.
Më datë 23.08.2020, rreth orës 00:45, në një rrugë të fshatit Fushë Mavrovë, pas një konflikti për motive të dobëta shtetasi Q. M (L), 36 vjeç, banues në fshatin Kotë, dyshohet se ka pla gosur me armë zjarri shtetasin J. R., 18 vjeç, banues në fshatin Fushë Mavrovë, cili aktualisht ndodhet në Spitalin e Traumës Tiranë, në gjendje të rëndë shëndetësore. Nga ana e Policisë Vlorë, po punohet intensivisht për gjetjen dhe kapjen e shtetasit Q. M(L) si edhe për sqarimin e plotë të rrethanave të ngjarjes.
