Partia Drejtësi, Integrim dhe Unitet çel fushaten elektorale për zgjedhjet e 25 prillit. Në këtë takim ishte i pranishëm kryetari i PDIU-së Shpëtim Idrizi, si dhe kandidatët për deputet në këtë qark, ku lista kryesohet nga Gëzim Ademaj. Shpëtim Idrizi u shpreh se fitorja e PDIU-së nis nga Vlora dhe do të vazhdojë në të gjithë Shqipërinë.
“Nga Vlora nis fitorja e madhe e PDIU-së, që do të vazhdojë në Shkodër, Lezhë, Tiranë, Elbasan, Durrës, Korçë dhe kudo ku ka shqiptarë patriotë që mendojnë si ne, që kemi “Veç një Atdhe”. Unë sot dua t’i drejtohem të gjithë atyre shqiptarëve që duan t’ju marrin identitetin, i drejtohem të gjithë atyre shqiptarëve të varfër që sot po ju vijnë në derë për t’ju dhënë para apo një thes miell. Mos e shisni të ardhmen tek këto lloj partish apo politikanësh. Unë i kërkoj të gjithë atyre që vijnë nëpër biznese për t’u bërë presion, refuzojeni atë sepse ju nuk jetoni nga politika apo nga presionet, por jetoni nga puna e ndershme. Më duhet që t’i drejtohem të gjithë shqiptarëve, votoni ata që ju thërrasin me zemër, që ju drejtohen me shpirt, që kanë zemër për t’ju dëgjuar dhe kanë zemër për t’u bërë bashkë me ju, për t’i dhënë shpresë këtij vendi të mrekullueshëm.
Prandaj ju ftoj të votoni PDIU-në, një parti e hapur për të gjithë shqiptarët nga Tropoja në Konispol, për këdo ku rreh zemër shqiptari. Më mbas fjalën përshëndetëse e ka marrë kandidati Gëzim Ademaj. Jam i rrethuar sot nga shumë qytetarë te Vlorës.Ndihem krenar dhe i vlerësuar që jam zgjedhur si përfaqësues i juaji për t’ju përfaqësuar ju në kuvendin e ri të Shqipërisë.
Sot kandidat dhe nesër deputet unë kam besim se ju keni besim tek mua. Unë jam zëri juaj, 25 Prilli është një ditë më tepër sesa historike për Shqipërinë. Është një mision që duhet arritur nga të gjithë, është një luftë mes të mirës dhe të keqes. Vlora nuk është vetëm lungomare, Vlora është Vlora historike, Vlora e vjetër, Selenica, Saranda, Lumi i Vlorës dhe gjithcka tjetër. Unë përfaqësoj Selenicën dhe ata që më përfaqësojnë mua çamët e Vlorës. Ju jap fjalën se me ardhjen në pushtet do të bëjmë më të mirën për ju. Ndaj ecim bashkë me fitore drejt 25 Prillit.
