Një ngjarje tragjike është shënuar këtë të shtunë në Vlorë, ku një punëtor ka humbur jetën si pasojë e një aksidenti gjatë punës.
Viktima është identifikuar si Dorjan Frashëri, 39 vjeç, i cili ishte duke punuar në ambientet e terminalit të aeroportit kur ra nga një lartësi e konsiderueshme.
Policia ka mbërritur menjëherë në vendngjarje dhe ka nisur hetimet për të zbardhur rrethanat e plota të aksidentit.
Autoritetet ende nuk kanë dhënë detaje të mëtejshme mbi shkaqet e rënies apo kushtet e sigurisë në vendin e punës.
