Një turist nga Rusia i cili ndodhej në Vlorë për pushime ka denoncuar dhunën e dy të rinjëve nga qyteti ndaj tij. Tursiti rus, i cili ka denoncuar shprehet se ai ka parë dy të rinj duke keqtrajtuar një qen dhe ka ndërhyrë për ti ndaluar.
Por në këtë moment të rinjtë i janë kthyer dhe kanë tentuar ti marrin telefonin dhe e kanë dhunuar fizikisht turistin rus. I riu rus Sergey Dzambula ka shpjeguar se u ka kërkuar të rinjëve të mos e dhunonin kafshën ndërsa ata i janë kundërvene. Ngjarja sipas Dzambula ka ndodhur në lagjën Uje i Ftohtë. Turisti ka bërë denoncimin në polici, ndërkohë që këto të fundit u vunë në dijeni për rastin dhe do të marrin masa për autorët.
Në polici turisti ka rrëfyer si ndodhi ngjarja.
“Isha në apartamentin tim kur pashë 4 persona adoleshentë që po sulmonin një qen, mora dylbi të shikoja më mirë ngjarjen, sapo e vërtetova që po sulmonin qenin telefonova policinë dhe me pas zbrita poshtë ti beja foto. Në momentin që i bëra foto dy prej çunave mu afruan, me kërkuan të më merrnin telefonin që të me merrnin fotot që i bëra, kur nuk pranova që t’ja jepja filluan të më godisnin. Më goditën pas koke, rrash në shesh, edhe aty u vrava tek duart. Filluan më pas të më godisnin serish edhe kur unë isha në shesh, edhe me pas u larguan, nuk doja ti beja keq atyre dy adoleshenteve doja vetëm t’i ndaloja qe mos te vrisnin kafshën e gjore. Ata më sulmuan pa të drejtë duke u munduar të më thyenin telefonin. Shkova në fillim në spital për tu mjekuar pasi u mjekova erdha ne polici bëra denoncimin.”
Foto dhe Video ekskluzive të Vlora News:
